Mundarija
UY TUT Android uchun ilovasini ishga tushirdi. Kvartirani odatda bir kechada tanlab bo‘lmaydi: bugun e’lonlarni ko‘rasiz, ertaga ma’qul variantlarga qaytasiz, keyin hududni tekshirib, ko‘rishga kelishasiz. Endi bularning barchasini bitta ilovada qilish mumkin.
O‘zingizga mos mezonlarni belgilang
Sotuv yoki ijara turini, uy-joy turini, hududni, narxni va maydonni tanlang. Xaritada uy qayerda joylashgani va atrofida nimalar borligini ko‘rish mumkin. Bu ko‘rishga borishdan oldin hududni baholashga yordam beradi. Aniq manzil va boshqa tafsilotlarni e’lon muallifidan tasdiqlab oling.
Ma’qul e’lonlarni saqlab qo‘ying
E’lon yoqsa, uni tanlanganlarga qo‘shing. UY TUT saytida ishlatadigan akkauntingiz bilan kirsangiz, saqlangan ro‘yxat ilovada ham, saytda ham ko‘rinadi. Keyin kvartiralarni maydoni, qavati, holati, joylashuvi va narxi bo‘yicha solishtirish osonroq bo‘ladi.
Sotuvchiga e’londan yozing
Telefon raqami va chat e’lon kartasida. Ko‘rishga borishdan oldin uy hali sotilmaganini va narxi o‘zgarmaganini aniqlashtiring. Hujjatlar, uy holati va kelishuv shartlarini bevosita sotuvchidan so‘rang.
Ilovani yuklab olish
Android ilovasini APK formatida UY TUT ilovasi sahifasidan yuklab olishingiz mumkin. O‘rnatish bo‘yicha yo‘riqnoma ham shu yerda. iPhone uchun versiya keyinroq chiqadi. Ilovani o‘rnatishni xohlamasangiz, e’lonlarni UY TUT saytidagi katalogdan ko‘rishingiz mumkin.
